सिन्धुपाल्चोक ।

स्वास्थ्य सेवा बाट बञ्चित बिभिन्न समुदायका बिरामीलाई भोटेकोशी गाउँपालिकाले निशुल्क उपचार र परामर्शको ब्यवस्था गरेको छ । जेठ १८ एक दिनका लागि आयोजना गरेको यो शिविरमा ४ सय ३ जनाले सेवा पाएका छन् । घरको काम तथा सुबिधाजनक अस्पतालमा पुग्न नसकेका बिरामीहरुलाई पूर्व सूचना गरेर गाउँपालिकाको चाकुमा शिबिर सञ्चालन गरिएको थियो । सामान्य बिरामी जाँचदेखि ग्रामीण महिलाको प्रमुख समस्याको रुपमा रहेको पाठेघर सम्वन्धि रोगको पहिचान र परामर्श गरिएको छ । आधुनिक चिकित्सा पद्धतिसँगै आयुर्वेदिक पद्धतिवाट पनि स्वास्थ्य सेवा उपलब्ध गराईएको छ । जसमध्ये ५५ जना बिरामीले आयुर्वेदिक पद्धतिबाट पनि उपचार पाएका छन् । सामान्य बिरामी, मानसिक समस्या, स्त्री रोग सम्वन्धि,गर्भबती महिलाको बच्चाको अवस्था,पाठेघरको क्यान्सरका समस्या,आँखा रोग,रगत दिशा पिसावको प्रयोगशाला परिक्षण,फिजियोथेरापी सेवा,दाँत रोग लगायतका सेवा प्रदान गरिएको थियो । सेवा सँगै परामर्श र शिक्षा पनि सेवाग्राहीले पाएको अध्यक्ष राजकुमार पौडेल जानकारी दिए ।

शिविरमा ६० जना दाँतको रोगीले सेवा पाएका छन् । महिलालाई लाग्ने रोगका ७६ जना बिरामीले सेवा पाएका छन् । बिभिन्न रोगका संकेत देखिएका ४५ जना बिरामीको ल्याव परिक्षण गरिएको थियो । आँखाका समस्या भएका १ सय ९ जनाले सेवा पाएका छन् । शिविरमा दुई जना मानसकि समस्या भएकाको पनि उपचार भएको छ ।