काठमाडौं ।

सरकारी चिकित्सकको हड्तालका कारण सेवा अवरुद्ध भएपछि उपप्रधान तथा स्वास्थ्यमन्त्री उपेन्द्र यादवले सरकारले खटाएका ठाउँमा डाक्टरहरू जानैपर्ने बताएका छन् । सरकारले भनेको नमानेमा नियमअनुसार कारबाही गरिने मन्त्रीले बताए । स्वास्थ्य मन्त्रालयमा आयोजित एक कार्यक्रममा पत्रकारहरूको प्रश्‍नमा उपप्रधानमन्त्री यादवले सबैभन्दा बढी जनता गाउँमा बसेका हुनाले चिकित्सकहरू गाउँगाउँमै जानुपर्ने बताए । म सहरमा मात्रै बस्छु भन्ने यो डाक्टरको माग हुनै नसक्ने यादवले बताए । चिकित्सकहरूको आन्दोलन संघीयताविरोधीहरूको षड्यन्त्र भएको पनि मन्त्री यादवले बताए।