माध्यमिक शिक्षा परीक्षा (एसइई)को प्रश्नपत्र परीक्षाअगाडि नै सामाजिक सञ्जालबाट आउट गर्ने दुई प्रहरी अधिकारीसहित ६ जनालाई सार्वजनिक भएका छन् ।

प्रदेश २ मा चैत १४ गते अनिवार्य विज्ञान र १५ गते अनिवार्य एसइई परीक्षाको प्रश्नपत्र परीक्षाअगाडि नै बाहिरिएको थियो। पक्राउ पर्ने प्रहरी अधिकारीमा सप्तरीको राजविराज–१० का ब्रम्हदेव सुनरैत र कञ्चनरुप–६ का दीपेन्द्रकुमार मण्डल छन्। उनीहरू सिरहाको इलाका प्रहरी कार्यालय, कल्याणपुरमा कार्यरत जवान थिए। पक्राउ पर्ने अन्यमा विष्णुदेव यादव, शिक्षक मनोज यादव, राजेश यादव र उमेश यादव छन्। इप्रका, कल्याणपुरमा जनता मावि बनिया र रादु मावि कल्याणपुरको प्रश्नपत्र राखिएको थियो। जसको सुरक्षार्थ खटिएका जवान नै प्रश्नपत्र लिक गराउने कार्यमा संलग्न रहेको प्रहरी अनुसन्धानबाट खुलेको हो। प्रश्नपत्र बाहिरिएपछि प्रदेश २ को परीक्षा स्थगित गरिएको थियो।