काठमाडौं ।

नेपाली सेनामा बिभिन्न निकायका कमाण्डर फेरिएका छन् । लगानी सम्मेलनको मुखैमा शान्ति सुरक्षामा प्रश्न उठिरहेको बेला सेनाले कमाण्डर फेरवदल गरेको छ । प्रवक्ता रहेका सहायक रथी यामप्रसाद ढकाल तीन महिनामै फेरिएका छन्। उनलाई २ नम्वर बाहिनी धनकुटा सरूवा गरिएको छ । नयाँ प्रवक्तामा १९ नम्बर बाहिनी दाङमा रहेका सहायक रथी विज्ञानदेव पाण्डे आएका छन्।

नेकपा बिप्लव समुहलाई प्रतिवन्ध लगाएसँगै पहिलो पटक सेनाका कमाण्डर फेरिएका हुन् ।

सैनिक प्रवक्तासँगै दर्जन सहायक रथीहरू पनि सरुवा भएका छन्। शान्ति सेना निर्देशनालयका रथी दामोदर थापा उपत्यका पृतनामा सरूवा भएका छन्।

२ नम्बर बाहिनीका सागरबहादुर केसी कल्याणकारी योजनामा सरूवा भएका छन्। सम्भार रथीमा रहेका रामबहादुर ढुंगाना पश्चिम पृतना पोखरा सरूवा भएका छन्। कुमार लामा २४ बाहिनी जुम्लाबाट सैनिक इन्टेलिजेन्स महानिर्देशनालय, ५ बाहिनीका हिरालाल जोशी शान्ति सेना निर्देशनालय,उत्तर पश्चिम पृतनामा कार्यरत सहायक रथी अर्जुन श्रेष्ठ राष्ट्रिय निकुञ्ज हेर्ने निर्देशनालयमा सरूवा भएका छन् ।

पश्चिम पृतना पोखराका दीपक बानिया २४ बाहिनी जुम्ला सरूवा भएका छन् भने राष्ट्रिय निकुञ्ज निर्देशनालयमा कार्यरत होमनाथ दवाडी ५ बाहिनी धनगढीमा सरूवा भएका छन्। त्यस्तै डिएमआइमा कार्यरत सुशीलकुमार भण्डारी १९ बाहिनी दाङ सरूवा भएका छन्।