काठमाडौं ।

प्रमुख प्रतिपक्षी दल नेपाली कांग्रेसको भर्खरै गठन भएको केन्द्रीय अनुशासन समितिले नेता–कार्यकर्ताहरुलाई पार्टी हितविपरीतका काम नगर्न सचेत गराएको छ । सोमबार बसेको समितिको पहिलो बैठकले नेता–कार्यकर्ताहरुलाई पार्टी हित विपरितका कामकारवाही र गतिविधिहरु नगर्न सचेत गराएको हो ।

पार्टी हित विपरितका कामकारवाही र गतिविधिहरु लिखित रुपमा, अभिव्यक्तिद्वारा वा सामाजिक सञ्जालमार्फत् सार्वजनिक रुपमा प्रकट गरेमा पार्टी विधान र नियमावली बमोजिम केन्द्रीय अनुशासन समितिको क्षेत्राधिकारभित्र पर्ने अनुशासन समितिले जनाएको छ ।