काठमाडौं ।

सेना परिचालनका बारेमा नेपाली कांग्रेसको बिरोधको आधार स्पष्ट पार्न नेकपाका नेता योगेश भट्टराईले आग्रह गरेका छन् । सामाजिक सञ्जालमा उनले यस बिषयमा प्रश्न उठाएका हुन् । उनले लेखेका छन्, –
रक्षा मन्त्री ईश्वर पोखरेल मार्फत सरकारले सेना परिचालन सम्बन्धि बिधेयक संसदमा दर्ता गरेको छ । नेपाली कांग्रेसले सेना परिचालनका सन्दर्भमा प्रधानमन्त्रीलाई जोडेर बिरोध गरेपछि कुनै गल्ती पो भएको रहेछ कि भनेर मैले बिधेयक राम्ररी पढे ।
बिधेयकको दफा ६ को २ मा सुरक्षा परिषदको सिफारिसमा मन्त्रीपरिसदको निर्णय पछि रास्ट्रपतिद्वारा सेना परिचालन हुने उल्लेख छ ।
सोही दफाको ३ मा परिषदको बैठक हुन नसकेमा अध्यक्ष ( प्रम) को सिफारिसमा मन्त्रिपरिसदको निर्णय पश्चात रास्ट्रपतिद्वारा सेना परिचालन हुने उल्लेख छ ।
सोही दफाको ३ मा यो निर्णयलाई संसदबाट अनुमोदन गराउनु पर्ने स्पस्ट उल्लेख छ ।
यो बिधेयकले प्रधानमन्त्रीलाई मात्र एकल अधिकार दिएको छैन् ।
बिधेयकमा स्पस्ट उल्लेख हुँदा हुँदै नेपाली कांग्रेस जस्तो लामो संसदीय अभ्यासबाट खारिएको पार्टीको हतारमा बिरोधको आसय बुझ्न् सकिएन ।
भट्टराईले बिरोधमा कुनै बक्तब्य दिनै पर्ने बाध्यताले नयाँ फायल खोज्दा आफ्नै पालाको पुरानो फायल पो पल्टीन पुग्यो कि भन्दै प्रश्न गरेका छन् ।