काठमाडौं ।

बैदेशिक रोजगार ब्यवसायी सुरक्षाको माग गर्दै प्रधानमन्त्री केपी शर्मा ओलीसँग पुगेका छन् । फागुन २४ गते संघका अध्यक्ष रोहन गुरुङको घरमा बम हानेको बिषयमा प्रधानमन्त्रीको ध्यानाकर्षण गर्दै ब्यवसायीले सुरक्षाको माग गरे । तर, प्रधानमन्त्री ओलीले बम पड्काउने र पैसा असुल्नेहरुसँग वार्ता गर्नुको औचित्य नभएको बताए । कार्वाही गरेरै समाधान खोजिने प्रधानमन्त्रीको संकेत थियो ।
प्रधानमन्त्रीले टोलीसँग भने, ‘कतिपयले वार्ता गर्नुप¥यो भन्छन् तर के का लागि वार्ता गर्ने ? उनीहरुले गरेका क्रियाकलाप राजनीतिक हुन् ? बम पड्काउने,आतंकित पार्ने ,पैसा असुल्ने कुरा राजनीतिक हुन सक्दैनन् ।’
प्रधानमन्त्री ओलीले एउटा गिरोहले कम्यूनिष्टका नाममा घिनलाग्दो काम गरिरहेको बताए । कम्यूनिष्टले त यूवाहरुलाई कर्मठ र कर्मशिल हुन सिकाउनु पर्ने प्रधानमन्त्री ओलीको भनाइ छ । प्रधानमन्त्री ओलीले अध्यक्ष गुरुङको घरमा भएको बिस्फोटप्रति दुःख व्यक्त गरे । यस घटनाको बारेमा सरकारले छानविन गर्ने प्रधानमन्त्री ओलीको प्रतिवद्धता थियो ।