काठमाडौं ।

प्रधानमन्त्री ओलीले सिके राउत पृथकतावादी आन्दोलन छाडेर सरकारसँग आउनु ठूलो सफलता भएको बताएका छन् । उनले सिके राउत मूल धारको राजनीतिमा आएसँगै मुलुकमा पृथकवादी आन्दोलन, समूह, संगठन केही पनि नरहेको पनि बताए। ‘पृथकतावादी आन्दोलन छाडेर मूल धारको राजनीतिमा आउनु र ल्याउन मुलुकको सुशासन र विकासलागि सफलता भएको ओलीको भनाई थियो । राष्ट्रिय किसान आयोगले काठमाडौंमा आयोजना गरेको कार्यक्रममा प्रधानमन्त्री ओलीले सिके राउत मूल धारको राजनीतिमा आएकोमा शंका नगर्न पनि आग्रह गरे। शंका, षड्यन्त्र र धोकामाथि आफ्नो विश्वास नै नरहेको प्रधानमन्त्री ओलीको भनाई छ। प्रधानमन्त्री ओलीले मान्छेसँग रिसाएको बिरालोले खाँबो चिथोरेको र सिके राउत मूल धारको राजनीतिमा आउँदा केही मान्छे छटपटाएको उस्तै रहेको बताए ।