• काठमाडौं ।

    एक छोरा र श्रीमतीसहित ससुराली घरको आश्रयमा रहेका नेपाली सेनाका जमदार अर्जुन घिमिरेको आफ्नै घर बनाउने ठूलो धोको थियो । कालीदल गणमा दरबन्दी रहेका अर्जुन संकृति, पर्यटन तथा नागरिक उड्ययनमन्त्री रवीन्द्र अधिकारीको सुरक्षामा खटिएका थिए। हेलिकप्टर दुर्घटना हुँदा घिमिरे मन्त्रीसँगै अस्ताए । नेपाली सेनाका जमदार पदमा रहेका अर्जुन काठमाडौंको किर्तिपुरमा बस्दै आएका थिए। उनी परिवारका साथ किर्तीपुर भत्केपाटिस्थित आफ्नो ससुरालीमा बस्दै आएका थिए। ३६ वर्षीय अर्जुनको ससुरालीमा बस्दै आएको जिन्दगीलाई आफ्नै घरमा सार्ने सपना थियो । त्यसका लागि उनले मंगलबारमात्रै घडेरी आफ्नो नाममा गरेका थिए। घडेरी आफ्नो नाम गरेर त्यसमा घर ठड्याउने अर्जुनको योजना अधुरै रह्यो।