काठमाडौं ।

नेकपाको संसदीय दलको बैठकमा प्रधानमन्त्री केपी शर्मा ओलीले रवीन्द्र अधिकारीलाई विकासप्रेमी र जनप्रिय नेताका रूपमा सम्झना गरे। संसदीय दलका नेतासमेत बोलिरहेका ओली बोलिरहँदा नेकपाका सांसद भावुक भएका थिए। प्रधानमन्त्री ओलीले मन्त्रिपरिषदले परिवारका सदस्यहरूलाई सहयोग गर्न सरकार तयार रहेको र अलपत्र पर्न नदिने प्रतिवद्धता सुनाए। उनले सरकारले छानबिन समिति गठन गरेको र अब त्यस्ता दुर्घटना नहोउन भनेर सचेतता अपनाउने पनि बताए। प्रधानमन्त्रीले मन्तव्यको लामो समय दिवंगत मन्त्री रवीन्द्र अधिकारीको व्यक्तित्व र कामका बारेमा खर्चिएका थिए।
प्रधानमन्त्री ओलीले अत्यन्त अनुचीत ढंगले अधिकारीका बारे कुनै सरोकार नभएको विषयमा वाइडबडीको सन्दर्भ जोडेर केही तत्वहरूले बदनाम गर्न खोजेको बैठकमा सुनाए । वाइडबडीमा रबीन्द्रले केही नगरेको ओलीको भनाई थियो । कर्मठ र क्रियाशील मानिसलाई अनुचित ढंगले आरोप लगाईएको ओलीको भनाई थियो । ओलीले रवीन्द्रको सम्झना गर्दै यो कार्यकालमा भएको कामको फेहरिस्ता पनि सुनाए । नचलेका विमानस्थल चालु गर्ने, अपग्रेड गर्ने, राति चल्ने बनाउने, अहिलेसम्म ६ विमानस्थल अपग्रेड गरेर राति पनि संचालनमा ल्याउने काम रवीन्द्रकै अगुवाईमा भएको ओलीको भनाई छ । जनकपुर झापा विराटनगर र धनगढी विमासन्थल विस्तार गर्ने योजना अधिकारीकै भएको प्रधानमन्त्रीले सुनाए ।