नेकपा (एमाले ) र माओवादी केन्द्रबीच एकता भएको धेरै भईसक्यो । केही भातृ संगठन आफ्नै पहलमा एक पनि भएका छन् । उनीहरुको कर्मचारी संगठनमा पनि
एकता गर्न धेरै कोशिस भए । तर, पूर्व माओवादी कर्मचारी संगठनका कारण समस्या आएको छ । पूर्वमाओवादीसम्बद्ध राष्ट्रिय कर्मचारी संगठनका अध्यक्ष हुन्, हरि रावल । उनीहरू आठ हजारको संख्यामा संगठित छन् । पूर्वएमालेवाला कर्मचारी संगठनका अध्यक्ष केदार देवकोटा हुन् । उनीहरूसँग ३५ हजार हाराहारीमा कर्मचारी छन् । अहिले आठ हजार सदस्य भएका पूर्वमाओवादी कर्मचारीहरू अध्यक्ष ज्यान गए नछोड्ने अडानमा हुँदा एकता हुन सकेको छैन । यता हरिको कारण सहकारी प्रशिक्षण तथा अनुसन्धान केन्द्रका कर्मचारी हैरान छन् । हरि कब्जा गरेको सहकारीकै घरमा बस्छन् । कलंकीमा आफ्नै बंगला छ । त्यताको बंगला भाडामा लगाएका छन्, यता सरकारी घरमा कब्जा छ । उनले सरकारी जागिर खाएको ११ वर्षमात्र भयो । प्रश्न उठ्छ, सुब्बा तहका कर्मचारीले कहाँबाट त्यत्रो महल बनाए ? उनी पनि सहसचिव चन्द्रमान श्रेष्ठझैँ बद्नाम छन् । वैदेशिक रोजगार विभागमा पाँच वर्ष बसे । त्यहीँको कमाईले कलंकीमा बंगला ठड्याए । श्रीमतीलाई डिभिजन सडक कार्यालय ललितपुरको लेखापालमा सरुवा गराएको जनआस्थाले लेखेको छ ।