६९ औँ प्रजातन्त्र दिवस मनाईएको छ । २००७ साल फागुन ७ मा १०४ वर्षे जहानियाँ राणा शासनको अन्त्य भएको दिनको सम्झनामा विभिन्न कार्यक्रम गरी मनाइएको हो । यसै अवसरमा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओलीलगायतले शुभकामना व्यक्त गरेका छन्। राष्ट्रपति विद्या भण्डारीले प्रजातन्त्रका आधारभूत मूल्य र मान्यता आत्मसात गर्दै अघि बढ्ने उत्प्रेरणा प्रदान गरोस् भन्दै शुभकामना दिएकी छन्। प्रधानमन्त्री केपी ओलीले प्रजातान्त्रको उदयसँगै जनताको अधिकार स्थापित हुँदै गएको बताएका छन् । सरकारले प्रजातन्त्र दिवसको दिन पारेर काठमाडौंको टुडिखेलमा एक भब्य कार्यक्रमको आयोजना गरेको छ।