काठमाडौँ ।
सरकारलाई बुझाउन पर्ने राजस्व कम तिर्ने नियतले राजस्वको र दायित्व कम हने गरी र एउटा मुलुकमा बनेको सामान अर्को मुलुकको भनी उत्पत्तिको मुलुक फरक पारी राजस्व रकम देखाउँदै काममा भन्सार कर्मचारीले कुम्ल्याउने गरेका छन् ।

रसुवा भन्सार कार्यालय टिमुरेका भन्सार अधिकृत पवित्रकुमार खड्कासहित आठजनाविरुद्ध भ्रष्टाचार मुद्दा दर्ता भएपछि यसको खुलासा भएको हो ।
जुत्ता पैठारीकर्ता वा भन्सार एजेण्टले एउटा मालवुस्तालाई अर्कै भनी ल्याएको पाइएको छ । मालवस्तुको प्रकृति, भौतिक विशेषता, चारित्रिक गुण, नाप, अकार र गुणस्तरमध्ये सबै वा कुनै कुरा फरक पारी घोाण गरेमा वा कुनै मालवस्तु घोषणा नगरे भन्सार ऐन बमोजिम सजाय हुने व्यवस्था छ ।

थाइल्याण्डमा बनेको क्लासिक फुटवयर उल्लेख भएको दुई हजार १६० जोडा लेडिज सुजको उत्पत्तिको मुल चाइना देखाई भन्सारबाट ल्याइएको पाइएको छ । उत्पत्तिको मुलुक फरक पारी गलत घोषाण गरिएकोमा भन्सार कार्यालयबाट जरिवाना गर्नु पर्नेमा नगरिएको पाइएको अख्तियारको आरोपपत्रमा उल्लेख छ ।
अख्तियार दुरुपयोग अनुसन्धान आयोगले खड्कासहित आठजनाविरुद्ध साढे सात करोड रुपैयाँ बिगो दाबी गर्दै विशेष अदालतमा भ्रष्टाचार मुद्दा दायर गरेको छ ।

उनीहरुले २०७५ मंसिर २५ गते चाइल्ड भेष्ट, बेबी इलास्टिक कट्टु, इलास्टिक कट्टु, भेष्ट भनी जाँचपास गरी ना ५ ख ६६५४ नम्बरको मालबाहक ट्रकमा ल्याएका थिए ।

राजस्व अनुसन्धान विभागले काठमाण्डौं जिल्ला अदालतमा राजस्व चुहावटको कसुरमा भन्सार अधिकृत खड्कासमेत माथि मुद्दा दायर गरी उक्त मुद्दाको अभियोग पत्रसहितका प्रतिलिपी कागजात उजुरी उपर अनुसन्धान हुँदा एडिडास लेखिएका भेष्ट र कट्टु एउटै प्लास्टिकमा रहेका सेट ल्याएको पाइएको छ ।