-
काठमाडौं ।
परराष्ट मन्त्रालयका दुई सहसचिव राजदूतमा अनुमोदित भएका छन् । संसदीय सुनुवाई समितिले दुईजना राजदूतको नाम सर्बसम्मत रुपमा अनुमोदन गरेको हो ।
फ्रान्सका लागि प्रस्तावित आवासीय राजदूत दीपक अधिकारी र थाइल्याण्डका लागि प्रस्तावित राजदूत गणेशप्रसाद ढकाललाई बिहीबार बसेको समितिको बैठकले अनुमोदन गरेको हो ।
गत पुस ६ गते र ९ गते बसेको मन्त्रिपरिषद् बैठकले ढकाल र अधिकारीसहित पाँच जनालाई विभिन्न देश तथा नियोगका लागि राजदूत सिफारिस गरेको थियो । पहिलो चरणमा अधिकारी र ढकाललाई बिहीबारको बैठकमा बोलाइएको थियो ।
फ्रान्सका लागि प्रस्तावित राजदूत दिपक अधिकारीले नेपाली विमान उडान फुकुवा गर्ने बताएका छन् । संसदीय सुनुवाई समितिमा बिहीवार सांसदहरूले उठाएका प्रश्नको जवाफ दिने क्रममा अधिकारीले भने, ‘फ्रान्समा नेपाली विमान उड्न प्रतिबन्ध छ । त्यो हटाउन पहल गर्नेछु ।’
आफू राजदुत बने फ्रान्सको उडड्यन हेर्ने मन्त्रालय र त्यहााका अधिकारीसाग बुझेर प्रतिबन्ध फुकुवाको पहल गर्ने अधिकारीको भनाइ छ ।
