काठमाडौं ।

प्रधानमन्त्री केपी शर्मा ओलीले भूकम्पपछिको पुननिर्माणको गति बढाउन स्थानीयतहसँग समन्वय गर्न पुर्ननिर्माण प्राधिकरणलाई निर्देशन दिएका छन् । साथै गति र अनुगमन दुवैलाई प्रभावकारी बनाउनु पर्नेमा प्रमको जोड छ
। राष्ट्रिय पुर्ननिर्माण प्राधिकरण परामर्श परिषदको बैठकमा ओलीले पाँचबर्षका लागि गठन गरिएको प्राधिकरणलाई निर्धारित समयमा पुननिर्माणको काम सक्र्न निर्देशन दिए । पुननिर्माणलाई व्यबहारिक रुपमा अझ सहज बनाउन स्थानीय तहसँग समन्वय गर्न आवश्यक रहेको ओलीको भनाई थियो । स्थानीय तहसँग प्रभावकारी ढंगले सहकार्य गर्नुपर्नेमा उनको जोड थियो । परम्परागत र साँस्कृतिक सम्पदा निर्माणका क्रममा केही स्थानीय तहका जनप्रतिनिधीले अनावश्यक विवाद गर्नु उचित नभएको प्रधानमन्त्री ओलीको भनाइ छ ।