जनकपुरधाम ।

यहाँको प्रदेश सरकारले आफ्नै कर्मचारी तयार गर्ने प्रकृया सुरु गरेको छ । संघीय सरकारले समयमा कर्मचारी उपलब्ध नगराएको उनीहरुको गुनासो छ । त्यसका लागि आफै कर्मचारीको ब्यवस्था गर्ने उनीहरुले योजना बनाएका हुन् । मन्त्री परिषद बैठकले लोकसेवा विधेयकलाई स्वीकृत गर्दै प्रदेशसभामा दर्ता गर्ने निर्णय गरेको सरकारका प्रवक्ता एवं आन्तरिक मामिला तथा कानुनमन्त्री ज्ञानेन्द्रकुमार यादवले जानकारी दिए। त्यसैगरी प्रदेश सरकारले माघ १ गते मकर संक्रान्ति पर्वको अवसरमा सार्वजनिक विदा दिने निर्णय गरेको छ। त्यस्तै मधेस आन्दोलनका शहीदको सम्झनामा प्रत्येक वर्ष माघ ५ गते मनाइने ‘बलिदानी’ दिवसको अवसरमा सरकारले सार्वजनिक विदा दिने निर्णय गरेको हो।