-
काठमाडौं ।
स्वास्थ्यमा समस्या आएपछि प्रधानमन्त्री केपी शर्मा ओलीको शिक्षण अस्पताल, महाराजगञ्जमा उपचार भइरहेको छ ।
ओलीलाई राति नै अस्पताल पुर्याइएको थियो । अस्पतालले प्रधानमन्त्रीको स्वास्थ्यबारे पहिलो रिपोर्ट दिएको छ, जसअनुसार उनको छातिमा संक्रमण देखिएको छ भने शरिरमा चिनीको मात्रा असन्तुलित देखिएको छ ।
स्वास्थ्य स्थितिमा क्रमिक सुधार देखिएको र अरु स्वास्थ्य स्थिति सामान्य रहेको अस्पतालका कार्यकारी निर्देशक उत्तमकृष्ण श्रेष्ठले जानकारी दिएका छन् ।
