34

  •  

    काठमाडौं ।
    माउ पार्टी एकता भएपनि भातृ संगठन एकता नहुँदा दुईटै संगठन अस्तित्वमा रहेको नेकपाको बिद्यार्थी संगठनमा प्रहरी प्रमुखको बिषय लिएर असन्तुष्टि बढेको छ । निर्मला पन्तको हत्यारा पत्ता लगाउन नसकेको भन्दै प्रहरी प्रमुखले राजीनामा दिनु पर्ने मागपत्र वोकेर गृहमन्त्री भेट्न गएका केही नेताहरु आफुखुशी गएको अर्को पक्षले आरोप लगाएको छ । बिशेषगरी महानिरिक्षकको नजिक रहेका बिद्यार्थीहरुले खनालको राजिनामा माग्न नहुने जिकिर गर्दै आएका छन् । तर, माग पत्रको पहिलो नम्वरमा नै नालायक महानिरीक्षकल ेराजीनामा दिनु पर्ने उल्लेख गरिएको छ ।

    विद्यार्थी संगठन अनेरास्वियु र अनेरास्ववियु (क्रान्तिकारी ) का केही नेताले आइजिपीले आफ्नो पद अनुसारको काम गर्न नसकेको भन्दै राजीनामा मागसहित ज्ञापनपत्र बुझाएका छन् ।

    प्रहरीको नेतृत्वनै कमजोर भएकाले दैनिक अपराधका घटना बढेको उनीहरुको आरोप छ । बिहीबार विहान अनेरास्ववियु अध्यक्ष नविना लामा र क्रान्तिकारीका अध्यक्ष रञ्जित तामाङ नेतृत्वको टोलीले गृहमन्त्रीलाई भेटेर आईजिपीलाई बर्खास्त गर्न माग गरेको थियो । अनेरास्ववियुका महासचिव ऐन महर र अखिल क्रान्तिकारीका उपाध्यक्ष दिपेश पुनले गृहमन्त्री समक्ष बुझाइएको ज्ञापनपत्र र आइजिपीको बर्खास्तीको माग संस्थागत निर्णय नभएको बताएका छन् । उनीहरुले सरकारको एउटा कर्मचारीको राजिनामा माग्ने काम संगठनले नगर्ने बताएका छन् ।

tt
45