शिक्षक सेवा आयोगको परीक्षाका कारण ओखलढुङ्गाका अधिकांश विद्यालय बन्द भएका छन्। असोज ११, १२ र १३ मा हुने शिक्षक सेवा आयोगको परीक्षा दिन शिक्षकहरु हिँडेपछि जिल्लाका अधिकांश विद्यालय बन्द भएका हुन्। शिक्षकहरु परीक्षा दिन गएपछि विद्यालयहरु चारदेखि पाँचसम्म गरेका छन्। लामो समयसम्म अस्थायी शिक्षक दरबन्दीमा काम गरिरहेका शिक्षकहरुका लागि अवसर भएकाले स्थानीय बिदा गर्न पाउने अधिकार प्रयोग गरी विद्यालय बिन्द गरेको हुन सक्ने जिल्ला शिक्षा समन्वय इकाइ ओखलढुङ्गाका प्रमुख खगेन्द्र श्रेष्ठले बताए। कतिपय विद्यालयका शिक्षक आफ्नो पाउने बिदा कटाएर हिँडेको र केही शिक्षक परीक्षार्थी भएकै कारण बन्द गराएको यसम माविका प्रधानाध्यापक घनबहादुर काफ्लेले बताए। उनका यसमा माविका १४ जनामध्ये १२ जनाले परीक्षार्थी भएकाले स्थानीय बिदा गरिएको बताए। यस्तै, फूलमती माविका नौ जना शिक्षक परीक्षा दिन गएपछि विद्यार्थीहरुलाई असोज ९ देखि ११ सम्म विद्यालय नआउनु भनिएको फूलमति माविका शिक्षक राकेश सुनुवारले बताए।