काठमाडौं ।

सर्वोच्च अदालतले विदेशमा रहेका नेपाली नागरिकलाई पनि मतदानको व्यवस्था गर्न नेपाल सरकालाई आदेश दिएको छ। विभिन्न उद्देश्‍यले विदेशमा रहेका नागरिकलाई मतदानको अधिकार दिनको लागि सर्वोच्चले यस्तो आदेश जारी गरेको हो। अधिवक्ता प्रेमचन्द्र राईले दायर गरेको रिटमा न्यायाधीशद्वय सपनाप्रधान मल्ल र पुरुषोत्तम भण्डारीको इजालशले आदेश सहित पूर्णपाठ जारी गरेको छ। रिटमा विपक्षी बनाइएका संघीय संसद, निर्वाचन आयोग र प्रधानमन्त्री तथा मन्त्रिपरिषद् कार्यालयसहितका चार मन्त्रालयसँगको राय र कानुन व्यवसायीको बहसपछि सर्वोच्चले यस्तो आदेश दिएको हो। यसअघि निवेदकको माग बमोजिम निर्णय लिन पर्ने वा नपर्ने हो भनेर सरकारको राय मागिएको थियो ।