-
यस वर्षको नोबेल शान्ति पुरस्कार दक्षिण अफ्रिकाकी कानूनविद् नवनीतम नवी पिल्लेलाई प्रदान गरिने भएको छ ।
शान्ति र अन्तर्राष्ट्रिय कानूनको प्रवर्द्धनमा पुर्याएको योगदानका लागि उनीलाई सम्मानित गर्न लागिएको नोबेल समितिले जनाएको छ ।
पिल्लेको जन्म भारतीय मूलको तमिल परिवारमा दक्षिण अफ्रिकामा भएको हो ।
पिल्लेले दक्षिण अफ्रिकाको उच्च अदालत, रुवान्डाका लागि अन्तर्राष्ट्रिय आपराधिक न्यायाधिकरण र अन्तर्राष्ट्रिय आपराधिक अदालत (आईसीसी) मा न्यायाधीशका रूपमा सेवा गरेका छन्।
पिल्ले संयुक्त राष्ट्रसङ्घीय मानव अधिकार उच्च आयुक्त पनि भएकी थिइन्। उनले त्यो पदमा रहँदा सन् २००९ मा नेपालको पनि भ्रमण गरेकी थिइन् ।
यसै हप्ता अमेरिकी राष्ट्रपति डोनाल्ड ट्रम्पले आफू नोबेल शान्ति पुरस्कार पाउन योग्य भएको टिप्पणी गरेका थिए । गएको वर्ष पनि उनले पुरस्कारका लागि आकाङ्क्षी भएको विवरण आएको थियो । त्यस वर्ष यो पुरस्कार भेनेजुएलाकी विपक्षी नेता मारिया कोरिना मचाडोले पाएकी थिइन्।
यस वर्षको नोबेल पुरस्कारअन्तर्गत सोमवार चिकित्साशास्त्र, मङ्गलवार भौतिकशास्त्र, बुधवार रसायनशास्त्र र हिजो साहित्यतर्फका विजेताको नाम घोषणा भएको थियो । अब आउँदो सोमवार अर्थशास्त्रतर्फका विजेताको नाम घोषणा हुनेछ ।
विगत १२ महिनामा मानव जातिका लागि उच्चतम लाभ हुने काम गरेका व्यक्तिलाई नोबेल पुरस्कार प्रदान गरिन्छ ।
