काठमाडौँ : दयाहाङ राई र विपिन कार्की अभिनीत चलचित्र ‘के घर के डेरा’को टिजर सार्वजनिक भएको छ । टिजरले काठमाडौँमा घर हुने र नहुने परिस्थितिको कथा समेटेको छ ।

दीपेन्द्र के खनाल निर्देशित यो सोसल ड्रामा चलचित्रले घर नहुँदा काठमाडौँमा हेपिने र घर किन्ने चाहना बोकेका पात्रलाई व्यङ्ग्य गर्छ । मध्यमवर्गीय मानिसका लागि घर किन्ने सपना र त्यसले निम्त्याउने सामाजिक परिणति फिल्मको कथा हो ।

दयाहाङ र विपिनसहित टिजरमा सुरक्षा पन्त र वर्षा राउत समेत फिचर्ड छन् । कात्तिक ४ गते प्रदर्शन हुने चलचित्रमा रवीन्द्र झाको प्रमुख भूमिका रहेको छ ।

जी-ट्वान्टी वानको युट्युब च्यानलबाट टिजर सार्वजनिक भएको हो । ए प्लस इन्टरटेनमेन्टको ब्यानरमा चलचित्र निर्माण भएको हो । शरद श्रेष्ठ, राजीव श्रेष्ठ र किरण महर्जन निर्माता हुन् ।