• काठमाडौं । विगत २४ घण्टामा काठमाडौं उपत्यकामा थप १४ सय १६ जनामा कोरोना संक्रमण देखिएको स्वास्थ्य तथा जनसंख्या मन्त्रालयले पुष्टि गरेको छ । तीमध्ये काठमाडौंमा १ हजार १४५, ललितपुरमा १६१ र भक्तपुरमा ११० जना गरी उपत्यकामा मात्रै कुल १ हजा ४१६ जनामा संक्रमण देखिएको मन्त्रालयका प्रवक्ता डा. जागेश्वर गौतमले जानकारी दिएका हुन् ।

    उपत्यकामा नयाँ थपिएका संक्रमित सहित मुलुकभरबाट आइतबार थप २ हजार ७१ जना संक्रमित भएका सो अवसरमा प्रवक्ता डा. गौतमले बताए । छन् । यीसँगै नेपालमा कोरोनाबाट संक्रमित हुनेको कुल संख्या एक लाख सात हजार ७५५ पुगेको छ । उनका अनुसार तीमध्ये सक्रिय संक्रमितको संख्या ३१ हजार ३१५ जना छन् । त्यस्तै बाँकी ७५ हजार ८ सय ४ जना निको भएका छन् ।

    मन्त्रालयका अनुसार कुल संक्रमितमध्ये नेपालमा हालसम्म कोरोनाबाट ज्यान गुमाउनेको संख्या ६ सय ३६ पुगेको छ । २४ घण्टाको अवधिमा २२ जनाको कोरोना संक्रमणबाट मृत्यु भएको मन्त्रालयले पुष्टि गरेको छ । मृतकमध्ये ५ महिला र १७ जना पुरुष भएको मन्त्रालयले जनाएको छ । कोरोनाबाट ज्यान गुमाउनेमा काठमाडौं उपत्यकाका मात्रै ८ जना रहेका छन् ।