• काठमाडौं । मंगलबार थप १ हजार ५ सय १३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । मन्त्रालयको कोभिड–१९ अपडेटका क्रममा प्रवक्ता डा. जागेश्वर गौतमले २४ घण्टामा १० हजार ८९१ जनाको पिसिआर परीक्षण भएकोमा उल्लेखित संख्यामा नयाँ संक्रमित थपिएको बताएका हुन् । उनका अनुसार अहिलेसम्म नेपालमा कुल संक्रमित संख्या ७६ हजार २५८ पुगेको छ ।

    त्यसैगरी कुल संक्रमितमध्ये अहिलेसम्म कोरोनामुक्त हुनेको संख्या ५५ हजार ३७१ पुगेको छ । २४ घण्टाको अवधिमा ७ सय ३१ जना डिस्चार्ज भएका छन् भने अहिले देशभर सक्रिय संक्रमितको संख्या २० हजार ३९६ पुगेको सो अवसरमा प्रवक्ता गौतमले जानकारी दिएका छन् ।

    २४ घण्टाको अवधिमा थप १० जनाको कोरोना संक्रमणबाट मृत्यु भएको मन्त्रालयले पुष्टि गरेको छ । यसरी अहिलेसम्म नेपालमा कोरोनाकै कारण ज्यान गुमाउनेको संख्या ४ सय ९१ पुगेको मन्त्रालयको तथ्यांकमा उल्लेख गरिएको छ । त्यस्तै हाल क्वारेन्टाइनमा ५ हजार ७ सय ७८ जना रहेको मन्त्रालयले जानकारी दिएको छ ।