१ सय ११ औ अन्तराष्ट्रिय दिवसको अवसरमा एकलमहिला समुहले एकल महिलाको समाजिक रुपान्तरणमा आधारित अभियानको अभिलेखिकरण कक्ष अवलोकन तथा स्थानीय महिलाहरुले उत्पादन गरेका समाग्रीहरुको हाटबजारको आयोजना गरेको छ ।
संस्थाले नेपालमा दुई दशकदेखि एकल महिलाहरुको सवाल र शसक्तिकरण संग जोडिएको सबै पक्षलाई समेटेर अभिलेखिकरण गर्ने कार्य गर्दै आईरहेको छ ।
सो अभिलेखिकरण कक्षको उद्योग बाणिज्य तथा आपुर्ति राज्यमन्त्रि विमला वि.क ले अवलोकन गर्दै संस्थाले एकलमहिलालाई संगठित मात्र नगरी उनिहरुलाई बाच्ने आधार समेत प्रदान गरेकोमा खुशी व्यक्त गर्नु भयो ।

संस्थाक संस्थापक लिली थापाले माओवादी द्धन्द कालमा स्थापना भएको संस्था तत्कालिन माओवादी र सुरक्षाकर्मि दुबैको निसाना बनेपनि आफुहरुले रणनितिक हिसावले दुवै पक्षको मन जितेर संस्थाको मन जितेको स्मरण गर्दै सो समयका गतिविधिलाई समेटेर कैद गरिएका तस्विरहरुबारे सबैलाई प्रष्ट्याउनु भएको थियो ।

संस्थाका अध्यक्ष कुन्दा शर्माले एकल महिला समुहले सरकारको सहयोगमा टोखामा हर स्टोरी पार्क निर्माण गर्न लागेको जानकारी गराउदै सो पार्क महिलाहरुको दुख सुख विसाउने थलो हुने जानकारी गराउनु भयो ।
एकल महिला समुहको कार्यालय हात्तिगौडामा संचालित सो कार्यक्रममा काठमाडौं भक्तपुर र ललितपुरका एकल महिलाहरुले बनाएका हस्तनिर्मित सामाग्रिका साथै तरकारी अचार लगायतका खानेकुरा विक्रिको लागि राखिएको थियो । माओवादि द्धन्दमा श्रीमान गुमाएका देखि कोरोना संक्रमणले आफ्नो परिवार गुमाउन बाध्य महिलालाई आर्थिक रुपमा शसक्त बनाउन एकल महिला समुहले विभिन्न सीपमुलक कामहरु गर्दै आईरहेको छ ।

एकलमहिला समुहले आफ्नो स्थापनाकाल देखि हालसम्म गरेको विभिन्न अभियानको अभिलेखिकरण गरी संस्थाको सभाहलमा प्रदर्शन गरेको छ ।
२०५२ सालमा स्थापित संस्थाले एकल महिलाहरुको हक अधिकार तथा शसक्तिकरणका लागि वकालत र सामाजिक न्यायका लागि कार्य गर्दैै आईरहेको छ । नेपालको जनसंख्याको ६ प्रतिशत् एकल महिला रहेका छन् भने एकल महिलाहरुमध्य ८६ प्रतिशत् एकल महिला अशिक्षित रहेको तथ्याङ्कले देखाएको छ ।