सिन्धुपाल्चोक । अविरल वर्षापछि जुगल गाउँपालिका–२ लिदिमा शुक्रबार बिहान ६ बजे भीषण पहिरो गएको छ । लिदी गाउँका १३ घर पुरिएकएकामा पाँच परिवार सम्पर्कविहीन र केही थप घर जोखिममा रहेको जानकारी प्राप्त भएको गाउँपालिका उपाध्यक्ष श्रीजना तामाङले जानकारी दिएकी छन् ।

पहिरोले लामा गाउँ पुरिँदा १३ घरमा पूरै क्षति भएको, १५ जना घाइते आफैँ निस्किएको, उद्धार गर्न जान सक्ने अवस्था नरहेको स्थानीयले जानकारी दिएका छन्। पुरिएका पाँच घरका सबै सम्पर्कविहीन रहेको कति जना पुरिए भन्ने अझै खुल्न बाँकी रहेको छ ।

प्रमुख जिल्ला अधिकारी उमेशकुमार ढकालले घटनास्थलमा सेना र प्रहरीलाई पठाएको जानकारी दिएका छन् ।