• काठमाडौं । काठमाडौं उपत्यकाका प्रमुख जिल्ला अधिकारीहरुको आजको छलफलले विश्वव्यापी महामारीको रुपमा फैलिएको कोरोना भाइरस संक्रमण नियन्त्रणका लागि उपत्यकामा थप कडाई गर्ने निर्णय गरेका छन् । उपत्यकाका काठमाडौं, ललितपुर र भक्तपुर जिल्लाका सीडीओहरुले मानवीय गतिविधि र आवतजावतमा थप कडाइ गर्नुका साथै अबको १५ दिन अत्यावश्यक सेवामात्र संचालन गर्ने निर्णय गरेका हुन् ।

    बैठकमा संक्रमण बढी देखिएको क्षेत्र सिल गर्ने र अत्यावश्यक बाहेकका सेवा बन्द गर्नुका साथै नागरिकबाट मापदण्ड पालना भए नभएको विषयमा छलफल भएको काठमाडौंका प्रमुख जिल्ला अधिकारी जनकराज दाहालले बताएका छन् ।

    आजको बैठकले तीनै जिल्ला प्रशासन कार्यालयबाट नागरिकता र पासपोर्ट वितरण बन्द गर्ने निर्णय गरेको छ । त्यसैगरी अब उपत्यका भित्र कुनै किसिमको सभा, गोष्ठी, सेमिनार गर्न नपाइने छैन । पछिल्लो समय संक्रमणको जोखिम बढ्दै गएकोले परिस्थितिलाई ध्यानमा राख्दै यस्तो निर्णय गरिएको दाहालले बताएका छन् ।