काठमाडौं । सिन्धुपाल्चोकमा पहिरोमा पुरिएर ८ जनाको मृत्यु भएको छ। मेलम्ची बजारमा गएराति गएको पहिरोमा परी बेपत्ता भएका ८ जनाकै शव फेला परेको इलाका प्रहरी कार्यालय मेलम्चीले जानकारी दिएको छ ।

मृत्यु हुनेहरुमा पर्साको वीरगन्जका प्रदीप चौरसिया र राजेश चौधरी, बाराको सिमराका विक्रम थिङ, मानबहादुर रुम्बा, सिमन घलान, शिवबालक धामी, सोनाम लामा र भारतीय नागरिक राजेन्द्र चौरसिया रहेका छन् ।

पहिरोले पुरिएका भारत बेतीया घर भएका बारू शाहलाई सुरक्षाकर्मीको टोलीले जीवित उद्वार गरेको थियो । घाइतेलाई थप उपचारका लागि हेलिकप्टरबाट काठमाडौं ल्याइएको छ ।