-
डोटीको बडिकेदार गाउँपालिका–१ बिपीनगरमा रहेको सालमुनि जलविद्युत् आयोजनामा काम गर्ने एक मजदुरको शुक्रबार भर्याङबाट लडेर मृत्यु भएको छ ।
जिल्ला प्रहरी कार्यालय डोटीका प्रहरी प्रमुख तथा प्रहरी उपरीक्षक दिलीपसिंह देउवाका अनुसार मृत्यु हुनेमा कालिकोट जिल्ला सानीत्रिवेणी गाउँपालिका–६ बस्ने १६ वर्षीय पारस धामी रहेका छन् ।
उक्त जलविद्युत् आयोजनामा रहेको एसी ममर्त गर्ने क्रममा भर्याङबाट खसेर उनी गम्भीर घाइते भएका थिए । गम्भीर घाइते भएका धामीलाई उपचारका लागि जिल्ला बाहिर लैजाने क्रममा बाटोमै मृत्यु भएको इलाका प्रहरी कार्यालय बिपीनगर डोटीले जनाएको छ ।
