रसुवा । जिल्लाका विभिन्न स्थानमा कोरोना भाइरसबाट कसरी बच्ने र बचाउने भन्दै जनचेतनाका लागि पूर्वसावधानी अपनाउन रसुवा प्रहरीले नियमितरूपमा माइकिङ गर्ने गरेको छ । जिल्ला प्रहरी कार्यालयका अनुसार कोरोना भाइरससम्बन्धी स्वास्थ्य मन्त्रालयको मापदण्डबमोजिम रोग नियन्त्रणमा पालना गर्नुपर्ने नीतिका बारेमा नेपाल प्रहरीमार्फत स्थानीय बासिन्दामा जागरण गराउन नियमित माइकिङ गर्ने काम तीव्ररूपमा अगाडि बढाएको जानकारी दिएको छ ।

स्थानीय बासिन्दाले घरघरमा सुन्ने गरी प्रहरीले गाडी तथा मोटर साइकलबाट माइकिङ गर्दै लकडाउनको पुर्णरूपमा पालना गर्न आग्रह गरिरहेको प्रहरी कार्यालयले बताएको छ । जनताको सुरक्षाका लागि जिल्लाका विभिन्न स्थानहरुका प्रहरी चौकीमार्फत जनचेतना फैलाउने कार्यमा प्रहरी परिचालन भइरहेको बताइएको छ ।